ས་གནས་དེ་གའི་དུས་ཚོད་ཟླ་5ཚེས་1ཉིན་ཀྲུང་གོ་ཕྱི་རྒྱལ་སྐད་ཡིག་ཅུས་ཀྱིས་ཀྲུང་དབྱང་དང་ས་གནས་ཀྱི་དྲིལ་བསྒྲགས་རིག་གནས་སྒྲིག་གཞི་12དང་མཉམ་འབྲེལ་ཐོག　2024ལོའི་ཧྥ་རན་སེའི་ཕ་རི་སི་རྒྱལ་སྤྱིའི་དངོས་མང་སྟོན་ཚོགས་ནང་ཞུགས་ནས“ཀྲུང་གོ་དང་འཕྲད་པ”ཞེས་པའི་ཀྲུང་ཧྭའི་རིག་གནས་ཀྱི་བརྗོད་དོན་གཙོ་བོའི་འགྲེམས་སྟོན་ཐུན་མོང་ཐོག་གཉེར་བ་རེད།　འགྲེམས་སྟོན་དེ་རིག་གནས་འགྲེམས་དངོས་དང་།　རིག་རྩལ་འགྲེམས་འཁྲབ།　རིག་གནས་བསམ་བཀོད་ཐོན་རྫས་འགྲེམས་ཚོང་།　རིག་རྩལ་རོལ་རྩེད་ཉམས་ལེན་བཅས་ཟུང་འབྲེལ་གྱི་རྣམ་པའི་ཐོག་ནས་ཀྲུང་ཧྭ་མི་རིགས་ཀྱི་ལོ་རྒྱུས་ཡུན་རིང་དང་།　ཀྲུང་ཧྭའི་རིག་གནས་ཀྱི་ཐུན་མོང་མ་ཡིན་པའི་ཡིད་དབང་འཕྲོག་ཤུགས།　ཀྲུང་ཧྭའི་ཤེས་དཔལ་གྱི་དེང་རབས་གྲུབ་འབྲས་བཅས་མངོན་པར་བྱས་ཡོད།

ད་ཐེངས་ཀྱི་འགྲེམས་སྟོན་དེ“རྩེར་སོན་རིག་གནས་ནས་མཛེས་སྡུག་ལྡན་པའི་འཚོ་བའི་བར”ཞེས་པ་ལོ་འཁོར་གྱི་བརྗོད་དོན་གཙོ་བོར་བྱས་པ་དང་།　ཀྲུང་ཧྭའི་ཤེས་དཔལ་འགྲེམས་སྟོན་ཁུལ་དང་།　ལྟེ་བའི་བྱེད་སྒོ་སྤེལ་ཁུལ།　པེ་ཅིང་རིག་གནས་འགྲེམས་ཁུལ།　ཁྱད་ལྡན་རིག་གནས་འགྲེམས་ཁུལ་བཅས་ཁག་བཞི་བཀོད་སྒྲིག་བྱས་པ།　ཀྲུང་ཡོན་གྱི་རིག་གནས་དང་།　ཞི་མཐུན་མཉམ་འདྲེས་ཀྱི་རིག་གནས།　རྨ་ཆུའི་རིག་གནས།　འབྲི་ཆུའི་རིག་གནས།　ཁུག་ཆེན་ཁུལ་གྱི་རིག་གནས།　གྲངས་ཉུང་མི་རིགས་ཀྱི་རིག་གནས་སོགས་ཀྱི་རིག་གནས་མཚོན་རྟགས་ཕྱོགས་ཡོངས་ནས་མངོན་པར་བྱས་ཡོད།　འགྲེམས་སྟོན་གྱི་ནང་དོན་གྲས་སུ་བརྗོད་དོན་གཙོ་བོའི་དཔེ་དེབ་དང་།　ལི་ཆས།　དཀར་ཆས།　བཟོ་བཀོད་མཛེས་རྩལ་གྱི་བརྩམས་ཆོས།　རིག་གནས་བསམ་བཀོད་ཐོན་རྫས་སོགས་རིགས་600ལྷག་ཙམ་གྱི་ཁྱད་ལྡན་འགྲེམས་དངོས་2000ཚུད་ཡོད་པ་རེད།