ཉེ་ཆར།　གསར་འགོད་པར་ཚོང་དོན་པུའུ་ནས་ཤེས་རྟོགས་བྱུང་བར།　འདི་ལོའི་དུས་ཚིགས་དང་པོར་རང་རྒྱལ་གྱི་ཞབས་ཞུའི་ཚོང་དོན་མགྱོགས་མྱུར་འཕར་བ་དང་ཞབས་ཞུ་ཕྱིར་གཏོང་ནང་འདྲེན་གྱི་དངུལ་འབོར་སྒོར་དུང་ཕྱུར་18167.4ཟིན་པ་དེ་དུས་མཚུངས་ལས་14.7％འཕར་ཡོད།

ཤེས་བྱ་གཅིག་སྡུད་རྣམ་པའི་ཞབས་ཞུའི་ཚོང་དོན་མུ་མཐུད་འཕར་ཞིང་།　དུས་ཚིགས་དང་པོར་ཤེས་བྱ་གཅིག་སྡུད་རྣམ་པའི་ཞབས་ཞུ་ཕྱིར་གཏོང་ནང་འདྲེན་སྒོར་དུང་ཕྱུར་7332.6ཟིན་པ་དེ་5.6％འཕར་ཡོད།　དེའི་ནང་ཤེས་བྱ་གཅིག་སྡུད་རྣམ་པའི་ཞབས་ཞུའི་ཕྱིར་གཏོང་སྒོར་དུང་ཕྱུར་4273.7ཟིན་ནས་2.8％འཕར་བ་དང་།　འཕར་ཅུང་མགྱོགས་པའི་ཁྱབ་ཁོངས་སུ་ཤེས་བྱའི་བདག་དབང་སྤྱོད་པའི་གྲོན་དངུལ་དང་།　མི་སྒེར་གྱི་རིག་གནས་དང་རོལ་རྩེད་ཀྱི་ཞབས་ཞུ་ཡོད་ཅིང་།　དེ་གཉིས་ཀྱི་འཕར་ཚད་དེ་34.4％དང་19％སོ་སོར་ཟིན་ཡོད།　ཤེས་བྱ་གཅིག་སྡུད་རྣམ་པའི་ཞབས་ཞུའི་ནང་འདྲེན་གྱི་སྒོར་དུང་ཕྱུར་3058.9ཟིན་ནས་9.6％འཕར་བ་དང་།　འཕར་ཅུང་མགྱོགས་པའི་ཁྱབ་ཁོངས་སུ་མི་སྒེར་གྱི་རིག་གནས་དང་རོལ་རྩེད་ཞབས་ཞུ་དང་།　ཚོང་ལས་ཞབས་ཞུ་གཞན་དག་ཡོད་ཅིང་།　དེ་གཉིས་ཀྱི་འཕར་ཚད་དེ་66％དང་15.2％ཟིན་ཡོད་པ་རེད།